|    jkpo;
English

wdisß AOI ms<sld uOHia:dkh

ලෝක මට්ටමේ පිළිකා සත්කාරක ප්‍රෝටකෝල ශ්‍රී ලංකාවට හඳුන්වාදීම

පිළිකා සත්කාරයේ දී පූර්ණ සුවයක් කරා රැගෙන යන මාවත එයයි. ආසිරි AOI හි අපි, අපගේ රෝගීන් සඳහා ලබාදෙන පුළුල් පිළිකා සත්කාරය එහි ඊළඟ මට්ටම කරා රැගෙන යමින් සිටින්නෙමු. පිළිකා ප්‍රතිකාරය බහු-මාත්‍යය සායනික ප්‍රතිකාරයේ සිට රෝගීන් සඳහා අති භාවාත්මක සහායක් ලබාදීම දක්වා වන සංකීර්ණ ක්‍රියාවලියකි. අපගේ සෑම රෝගියෙකු සමඟ මෙන් ම ඔවුන්ගේ පවුලේ සාමාජිකයින් සමඟ ද ඉතා සමීපව රැඳී සිටීමට අපි බැඳී සිටිමු. සෑම පියවරකදී ම එකක්නෑර සෑම කරුණක් සම්බන්ධයෙන් ම පිළියම් යොදමින් සහ එකිනෙකාට පෞද්ගලික වන හා කාරුණික වන යෝග්‍ය පිළිකා ප්‍රතිකාර ලබා දෙමින් අපි ඔවුන්ගේ කොටස් කරුවන් බවට පත්වන්නෙමු. ආසිරි AOI හි යථාතථ්‍යය-පෙරදැරි පිළිකා සත්කාරක ආධිපත්‍ය ඇමෙරිකා එක්සත් ජනපදයේ එක් ප්‍රධානතම ඔන්කොලොජි ප්‍රතිකාර ලබා දෙන ආයතනයක් වන පිට්ස්බර්ග් වෛද්‍ය මධ්‍යස්ථාන විශ්ව විද්‍යාලයේ සහයෝගීතා ප්‍රෝටොකෝල මත පදනම්වෙයි. සෑම රෝගියකුටම පෞද්ගලික වන ඒකාබද්ධ සත්කාර ලබා දෙන ආකෘතියක් ආසිරි AOI හි අප සතුවෙයි.

අපගේ පුළුල් පිළිකා සත්කාරක මධ්‍යස්ථානය මඟින් ඉතා උසස් මට්ටමේ රෝග විනිශ්චය PET සේවා සහ ව්‍යාධිවේද සේවා වලින් සවිබල ගැන්වූ විශිෂ්ඨතම වෛද්‍ය, විකිරණ සහ ශල්‍ය ඔන්කොලොජි සත්කාරක ලබා දෙනු ලබයි. එය රෝග විනිශ්චයක හෝ ප්‍රතිකාරක යන කවරක් වුවද, පිළිකා සත්කාරයේ සියළුම අභියෝග වලට මුහුණදීම සඳහා විශේෂඥයින් අප සතු වෙයි. මනා ලෙස පුහුණු කරන ලද සහ කාරැණික සාත්තු සේවක කාර්ය මණ්ඩලයක සහය ලබන බහුවිධ හැකියාවන්ගෙන් හෙබි ඉතා උසස් සුදුසුකම්ලත් සායනික විශේෂඥයන් සමඟ අති විශිෂ්ඨ සේවයක් ලබා දෙමින් පිළිකා සත්කාරයේ පුරෝගාමීන් බවට අපි පත්වී සිටිමු.

මැමොග්‍රෑම් සඳහා 50% වට්ටමක්: ඔබේ වේලාව වෙන්කරවා ගැනීමට අමතන්න

ජාත්‍යන්තර ප්‍රමිතියේ පිළිකා සත්කාරය

බොහෝවිට පිළිකාව තනි රෝගයක් ලෙස දක්නට ලැබෙයි. එය එසේ වුව ද, විවිධ පිළිකා වර්ග 200 ක් පවතින අතර ඒ සෑම එකක්ම මුල්ම අවධියේ හෝ පසු කාලීනව හෝ රෝග විනිශ්චය කර ගත හැකිය. සාර්ථක පිළිකා සත්කාරයකට අවශ්‍ය වන්නේ සහයෝගී බහුවිධ ප්‍රවේශයක් වන අතර එහි දී වෛද්‍ය ඔන්කොවේදීන්, විකිරණ ඔන්කොවේදීන්, ශල්‍ය වෛද්‍යවරුන් එකට එක්ව සහයෝගීතාවයෙන් එක් එක් රෝගියා කළමනාකරණය සඳහා වඩාත්ම යෝග්‍ය ප්‍රෝටකෝලය තීරණය කිරීමයි. බොහෝවිට පිළිකා රෝගීන්ට මෙම ක්ෂේත්‍ර තුනම අන්තර්ගත ප්‍රතිකාර ප්‍රෝටෝකෝලයක් අවශ්‍යවෙයි. ප්‍රතිකාරය ප්‍රමිතිගත සායනික ප්‍රෝටොකෝල සහ හැසිරවීම් මත පදනම්වීම ඉතා වැදගත් වෙයි. මෙම ප්‍රෝටොකෝල වැඩිදියුණු කරනු ලැබ ඇත්තේ දකුණු ආසියාව ඇතුළුව ලෝකය පුරා දහස් ගණනකට ප්‍රකිකාර කිරීමෙන් එකතු කරගත් සාක්ෂි පදනම් කර ගෙනයි.

ආසිරි AOI හි අපි ශ්‍රී ලංකාවේ භාවිතා වන උසස්ම සහ දකුණු ආසියාවේ ක්‍රියාත්මක අතලොස්සක් වන තෙවන පරම්පරාවේ විකිරණ චිකිත්සක රේඛීය ත්වරණ ක්‍රමය දියත්කර ඇත්තෙමු. අපගේ ටියුමර් ප්‍රතිකාරක මණ්ඩලය පිට්ස්බර්ග් වෛද්‍ය මධ්‍යස්ථාන විශ්ව විද්‍යාලයේ ප්‍රධාන පෙළේ විශේෂඥයින්ගෙන් සමන්විත වන අතර එය රටේ මෙම විශේෂඥ සේවා ලබා දීම සඳහා ඇති එකම පිළිකා මධ්‍යස්ථානය යි. අපගේ ඔන්කොවේදීන් සහ ශල්‍ය වෛද්‍යවරුන් අත්දැකීම් සහ සුදුසුකම් අතින් ගත් කළ මෙම ක්ෂේත්‍රයේ සිටින ප්‍රමුඛ පෙළේ අය වෙති. වඩාත්ම වැදගත් කාරණය වන්නේ අපගේ සාත්තු සේවකයෝ සහ අතුරු වෛද්‍ය තාක්ෂණිකයෝ සෑම පිළිකා රෝගියෙකුට මෙන් ම ඔවුන්ගේ පවුල් වලට ද උපකාර කිරීමට කැපවී සිටිති.

ඇමෙරිකානු ඔන්කොලොජි ආයතනය (AOI)

ඇමෙරිකානු ඔන්කොලොජි ආයතනය (AOI) දකුණු ආසියාවට ඔන්කොලොජි සේවා සපයන ප්‍රධාන පෙළේ ආයතනවලින් එකකි. ඇමෙරිකානු ඔන්කොලොජි ආයතනය ආසියානු උප මහාද්වීපයට පිළිකා සත්කාරක එක්සත් ජනපද ප්‍රෝටකෝල හඳුන්වාදීමේ අරමුණ ඇතිව පිට්ස්බර්ග් වෛද්‍ය මධ්‍යස්ථාන විශ්වවිද්‍යාලයේ (UPMC) වසර ගණනාවක පළපුරුද්දක් ඇති ඔන්කොවේදීන් කණ්ඩායමක් විසින් 2006 වර්ෂයේ දී මෙම ආයතනය පිහිටුවා ගන්නා ලදි. 1990 වර්ෂය අග භාගයේ දී පිහිටුවන ලද UPMC පිළිකා මධ්‍යස්ථාන මේ වන විට කේන්ද්‍රීය මධ්‍යස්ථාන ලෙසින් සංවිධානය කරනු ලැබ ඇති අතර 40 කට අධික කලාපීය ප්‍රදේශවල හබ් ඇන්ඩ් ස්පෝක් (hub-and-spoke) ආකෘතිවල 200කට අධික ඔන්කොවේදීන් විසින් නව රෝගීන් 25,000 ක් ද ඇතුළුව රෝගීන් 75,000 කට සත්කාරක සේවා ලබා දෙනු ලබයි. වැඩිදුර කියවන්න

AOI ආරම්භ කරන ලද්දේ, යථාතථ්‍යය පිළිකා සත්කාර ලබාදෙමින් එහි මව් සමාගමේ සුපෝෂිත පරපුර රටින් රට රැගෙන යමින් දකුණු ආසියානු සහ එක්සත් ජනපද පිළිකා සත්කාරක ප්‍රමිතීන් අතර ඇති පරතරය නැති කිරීමේ අරමුණ ඇතිවයි.

ඉංදියාවේ සහ දකුණු ආසියාවේ පෙර නොතිබුණු ගුණාත්මක පිළිකා සත්කාරයක් ලබාදෙමින්, සායනික විශිෂ්ටත්වයෙන්, ලෝක මට්ටමේ තාක්ෂණයෙන් මෙන් ම ප්‍රතිකාර සැලසුම් කිරීම සහ ක්‍රියාත්මක කිරීම සඳහා ජාත්‍යන්තර ප්‍රවේශයන් සහ ප්‍රෝටකෝල වලින් සවිබල ගැන්වුණු පුළුල් පිළිකා කළමනාකරණයක් AOI මඟින් ලබා දෙනු ලබයි. මේ වන විට දකුණු ආසියාවේ නගර 9 ක, පිළිකා රෝහල් 10 ක පිළිකා සත්කාරක සේවා මෙහෙය වනු ලබන අතර එම සේවාව පිළිකා රෝහල් 20 ක් දක්වා ව්‍යාප්ත කිරීමට සැලසුම් කර ඇත. දකුණු ආසියාවේ පිළිකා වාර්තාවීම වැඩිවීමත් සමඟ UPMC හි විශේෂඥයන් විසින් මෙහෙයවනු ලබන AOI ලෝක මට්ටමේ ටියුමර් මණ්ඩලයෙන් සවිබල ගැන්වුණු, යථාතථ්‍යය පිළිකා සත්කාරයක් ලබාදීමට එයට ඇති හැකියාව මඟින් කලාපය තුළ ටියුමර් සත්කාරක මඩුල්ලක් ඇති කරනු ලැබ තිබෙයි.

අපගේ මෙහෙවර ඉතා සරල වන අතර එනම් රෝගීන්ගේ අවශ්‍යතා මුල් තැනට තබා විශ්වාසය, විනිවිධභාවය සහ තාක්ෂණික විශිෂ්ටත්වය තහවුරු කිරීම සඳහා උසස්ම ඇමෙරිකානු ප්‍රමිතීන් යොදා ගනු ලබන පිළිකා සත්කාරයක් අත්දුටු සාක්ෂි මත පදනම්ව ලබාදීමයි.

ආසිරි AOI තෝරාගත යුත්තේ ඇයි?

සායනික විශිෂ්ටත්වය

ආසිරි AOI හි පිළිකා ප්‍රතිකාර මනා පුහුණුවක් ලද දක්ෂ සාත්තු සේවක, වෛද්‍ය, භෞතික‍ඥ කණ්ඩායමක සහ අනෙකුත් සහායක කාර්යය මණ්ඩලයක සහාය ලබන මනා පළපුරුද්දක් ඇති, අති දක්ෂ බහුවිධ කුශලතාවලින් හෙබි වෛද්‍ය, විකිරණ සහ ශල්‍ය ඔන්කොවිද්‍යා පිළිකා විශේෂඥ කණ්ඩායමක් විසින් කළමනාකරණය කරනු ලබයි.

තාක්ෂණික විශිෂ්ටත්වය

PET ස්කෑනරයක් සහිත පිළිකා ප්‍රතිකාරක පහසුකම් ඇති ශ්‍රී ලංකාවේ එකම පිළිකා මධ්‍යස්ථානය AOI පිළිකා මධ්‍යසථානය යි. චතුර්මාන ප්‍රතිබිම්බ තාක්ෂණයෙන් වෛද්‍යවරුන්ට ටියුමර් එකක් සම්බන්ධයෙන් වැදගත් තොරතුරු රාශියක් ලබාගත හැකි අතර එමඟින් වෛද්‍යවරුන්ට නිවැරදි ඉලක්කයට විකිරණ ප්‍රතිකාර කිරීම සඳහා සැලසුම්කිරීමට සහ එම ප්‍රතිකාර ප්‍රශස්ත ලෙස ලබාදීමට හැකිවෙයි.

අති සූක්ෂම තාක්ෂණය

පිළිකාව වටා ඇති නිරෝගි පටක ආරක්ෂා කරන අතරතුර සෘජුවම පිළිකාව ඉලක්ක කර, ප්‍රතිකාරය තිතටම නිවැරදි ඉලක්කයට සිදු කිරීම සනාථ කරමින්, සෘජු කදම්බ තාක්ෂණය භාවිතා කරමින්, විකිරණ චිකිත්සක යන්ත්‍ර සපයමින් මෙම පහසුකම් ලබා දෙන එකම ආයතනය AOI වෙයි.

සායනික ප්‍රවේශ සහ ප්‍රෝටකෝල

ඉතාම ප්‍රශස්ත ප්‍රතිඵල ලබාදීම සහතික කිරීම සඳහා ආසිරි AOI පූර්ව සාක්ෂි මත පදනම් වූ වෛද්‍යකර්ම අනුගමනය කරයි. ආසිරි AOI හි දී තාක්ෂණය මඟින් බලගන්වන ලද, තීරණ ගැනීමෙහිලා සහය වන මෙවලම්වලින් පාලනය කරනු ලබන ජාත්‍යන්තර ප්‍රතිකාර ප්‍රෝටකෝල මත පදනම්ව සෑම ප්‍රතිකාරයක් ම සැලසුම් කරන වාතාවරණයක් අපි නිර්මාණය කර ඇත්තෙමු.

ජාත්‍යන්තර ටියුමර් මණ්ඩලය

ජාත්‍යන්තර ටියුමර් මණ්ලයක් සතිපතා පවත්වනු ලබන දකුණු ආසියාවේ ඇති පිළිකා රෝහල් කිහිපය අතුරින් එකක් හෝ බොහෝ විට එකම පිළිකා රෝහල්දාමය AOI වෙයි. එහි දී, විශේෂ රෝගී තත්ත්ව සඳහා UPMC හි ප්‍රමුඛ පෙළේ ඔන්කොවේදීන් විසින් දේශීය සායනික විශේෂඥයන් සමඟ එම රෝගී තත්ත්ව පිළිබඳව සාකච්ඡා පවත්වනු ලබයි. ආසිරි AOI විසින් මෙම ජාත්‍යන්තර ටියුමර් මණ්ඩල සේවා එහි ශ්‍රී ලංකාවේ සිටින රෝගීන්ට ලබා දෙනු ලබයි.

මධ්‍යගත ප්‍රතිකාර සැලසුම් කිරීම

අපගේ විකිරණ ප්‍රතිකාර දෙපාර්තමේන්තුව සතුව මධ්‍යගත සැලසුම්කරණ මධ්‍යස්ථානයක් ඇත. සෑම ප්‍රතිකාර සැලසුමක් ම එක්සත් ජනපදයෙන් පිටත සංවිධානගතව සිටින කණ්ඩායමක මඟපෙන්වීම සහ අධීක්ෂණය යටතේ මනා පුහුණුවක්ලත් භෞතික විද්‍යාඥයින් විසින් සකස්කරනු ලබයි. අනෙකුත් සාමාන්‍ය පටක ආරක්ෂා කරන අතරම පිළිකාවේ සියළුම කොටස්වලට ප්‍රශස්ත මට්ටමින් විකිරණ පතිතවන සේ ඉතා නිවැරදිව ප්‍රතිකාර සැලසුම් කිරීම ඉතාම වැදගත් වෙයි.

පිළිකාවක් යනු කුමක් ද?

විකෘති වූ සෛල අසාමාන්‍යලෙස පාලනයකින් තොරව විභාජනය වෙමින් අනෙකුත් සෛල ආක්‍රමණය කිරීමේ රෝග පිළිකා ලෙසින් හඳුන්වනු ලැබේ. පිළිකා සෙල රුධිර සහ වසා පද්ධතිය හරහා සිරුර පුරාම ව්‍යාප්ත විය හැකිය. පිළිකා සෛල ඒවායේ ආරම්භක ස්ථානයේ සිට රුධිර සංසරණය සහ වසා පද්ධතිය හරහා සිරුරේ අනෙකුත් කොටස් ආක්‍රමණය කිරීමේ ක්‍රියාවලිය ස්ථානාන්තරණය ලෙසින් හඳුන්වනු ලබයි.

පිළිකාව සංස්පර්ෂක නොවන අතර ඇතැම්විට ආවේනික සහ පාරිසරික සාධකවල සම්මිශ්‍රණයක් හේතුවෙන් ද ඇතිවෙයි. පිළිකා වර්ග 200 ටත් අධික ප්‍රමාණයක් පවතියි. බොහෝ පිළිකා එ්වා ආරම්භවන ඉංද්‍රිය හෝ සෛලය පදනම් කර ගෙන නම් කරනු ලබයි. උදාහරණ ලෙස ගැබ්ගෙලෙන් ආරම්භවන පිළිකා ගැබ්ගෙල පිළිකා ලෙසින් හැඳින්වෙන අතර සමෙහි පාදස්ථ සෛලවලින් ආරම්භවන පිළිකා පාදස්ථ සෛල කාසිනෝමා නමින් ද හැඳින්වෙයි.

පිළිකාවේ ආරම්භය

සිරුරේ මූලික ජීවී ඒකකය වන සෛලවලින් සියළුම පිළිකාවල ආරම්භය සිදුවෙයි. මිනිස් සිරුර සෛල ට්‍රිලියන 100 කින් පමණ සමන්විත වෙයි. සෛල මඟින් සිරුරට සෛල අවශ්‍යවන විට නව සෛල වර්ධනය කර ගනිමින් සහ තිබෙන සෛල විභාජනය කර ගනිමින් නව සෛල නිපදවා සිරුර සෞඛ්‍යය සම්පන්නව පවත්වා ගෙන යනු ලබයි. සාමාන්‍යයෙන්, සෛල වියපත්වන විට සහ සෛලවලට හානි වූ විට, එම සෛල මිය යන අතර එම සෛල වෙනුවට නව සෛල ඇතිවෙයි. කෙසේ වුව ද, සිරුරට නව සෛල අවශ්‍ය නොවූව ද සෛල විභාජනය වන විට සහ පාලනය කළ නොහැකි ලෙස සෛල ගුණනය වන විට මෙම ක්‍රියාවළිය අවහිර විය හැකිය. මෙම අනවශ්‍ය සෛල වර්ධනය, විකෘති වූ හෝ හානි වූ ඩී.එන්.. යනුවෙන් හැඳින්වෙන ජානමය සංඝටකය හේතුවෙන් ඇති විය හැකිය. මෙවැනි ආකාරයේ සෛල වර්ධනයක් සිදු වීමේ ප්‍රතිඵලය වන්නේ සිරුර තුළ සමස්ථ සෛල ප්‍රමාණයේ අනවශ්‍ය වැඩිවීමක් සිදුවීමයි. මෙම නව සෛලවල වැඩිවීමෙන් පිළිකාව නමින් හැඳින්වෙන පටක සමූහයක එකතුවක් සෑදීමට පුළුවන. කෙසේ වුව ද, පටකවල ඇතිවන සෑම අසාමාන්‍ය වැඩිවීමක් ම පිළිකාවක් නොවෙයි.

ටියුමර් කාණ්ඩ දෙකක් යටතේ වර්ගීකරණය කළ යැකිය.

අඛර:

මෙම ටියුමර් පිළිකාමය නොවන අතර ජීවිත තර්ජනයක් ඇතිවන්නේ කලාතුරකිනි. බොහෝ විට ඒවා ඉවත් කළ හැකිය. ඉවත් කිරීමෙන් පසුව ටියුමර් නැවත වර්ධනය වීම සුලබව සිදු නොවෙයි. ඊට අමතරව, මෙම සෛල සිරුරේ අනෙක් කොටස්වලට ව්‍යාප්තවීමක් ද සිදු නොවෙයි.

මාත්සරික:

මෙම ටියුමර් පිළිකාමය වෙයි. මාත්සරික සෛල අසල තිබෙන සෞඛ්‍යය සම්පන්න සෛල වලට හානි කළ හැකිය. එමෙන්ම, මෙම සෛලවලට ස්ථානාන්තරණය කිරීමේ හැකියාව ඇති අතර සිරුරේ අනෙක් කොටස්වලට ව්‍යාප්තවීමේ හැකියාව ද ඇත.

ඇතැම් පිළිකා ටියුමර් ඇති නොකරයි. එවැනි පිළිකාවකට පොදු උදාහරණයක් ලෙස නම් ඇට මිදුලුවල සහ රුධිරයෙහි ඇතිවන පිළිකාවක්වන ලියුකේමියා සඳහන් කළ හැකිය.

පිළිකා වර්ග පුළුල් වර්ගීකරණයක් යටතේ කාණ්ඩගත කළ හැකිය.

ප්‍රධාන පිළිකා වර්ගවලට පහත දැක්වෙන පිළිකා ඇතුළත් වෙයි:

කාසිනෝමාව

සමෙහි හෝ අභ්‍යන්තර ඉන්ද්‍රියන්ට ආස්තරයක් ලෙස හෝ ආවරණයක් ලෙස ඇති පටකවලින් ආරම්භ වෙයි.

සාකෝමාව

අස්ථි, කාටිලේජ, ලිපිඩ, පේෂි, රුධිර වාහිනි, හෝ ඒ හා සම්බන්ධ හෝ සහායක අනෙකුත් පටකවලින් ආරම්භ වෙයි.

ලියුකේමියා

ඇට මිදුලු වැනි රුධිරය සෑදෙන පටකවලින් ආරම්භ වන මෙම පිළිකාව විශාල වශයෙන් විකෘති සෛල නිපදවීමට හේතුකාරක වන අතර රුධිරය තුළට ද ඇතුළු වෙයි.

ලිම්ෆෝමා සහ මයිලෝමා

ප්‍රතිශක්තිකරණ පද්ධතියේ පටකවලින් ආරම්භවන පිළිකා.

මධ්‍යම ස්නායු පද්ධතියේ පිළිකා

මොළයේ සහ සුසුම්නාවේ පටකවලින් ආරම්භ වෙයි.

ශ්‍රී ලංකාවේ පිළිකා

ශ්‍රී ලංකාවේ බහුලව දක්නට ලැබෙන පිළිකා වර්ග වන්නේ:

පියයුරු පිළිකා

පියයුරු වල පටක වලින් හටගන්නා පිළිකා

මුඛ පිළිකා

මුඛයේ හෝ උගුරේ හටගන්නා පිළිකා

මහා බඩවැලේ හා ගුද මාර්ග පිළිකා

මහා බඩවැලේ හා ගුද මාර්ගයේ හටගන්නා පිළිකා

අන්නස්‍රෝතයේ පිළිකා

ආහාර සහ ජලය මුඛයේ සිට ආමාශය දක්වා ගෙන යන මාංශ පේශි නළය වන අන්නස්‍රෝතයෙහි ඇති වන පිළිකා

තයිරොයිඩ් පිළිකා

තයිරොයිඩ් ග්‍රන්ථියේ ඇති වන පිළිකා

ගැබ් ගෙල පිළිකා

කාන්තාවකගේ ගර්භාෂයේ පහළ කොටස වන ගැබ්ගෙලෙහි ඇති වන පිළිකා

පුරස්ථි ග්‍රන්ථි පිළිකා

පිරිමි ප්‍රජනක පදධතියේ ග්‍රන්ථියක් වන පුරස්ථි ග්‍රන්ථියේ පිළිකා

පෙණහළු පිළිකා

පෙනහළු වල පටක වලින් හටගන්නා පිළිකා

ඩිම්බකෝෂ පිළිකා

ඩිම්බ නිපදවන කාන්තා ප්‍රජනක ග්‍රන්ථින් වන ඩිම්බ කෝෂ වල හටගන්නා පිළිකා

පිළිකා වර්ග
රෝගියා සඳහා අධ්‍යාපන මාලාව
ඩිම්බකෝෂ පිළිකා
වැඩිදුර කියවන්න
පුරස්ථි ග්‍රන්ථි පිළිකා
වැඩිදුර කියවන්න
ගර්භාෂ පිළිකාව
වැඩිදුර කියවන්න
පියයුරු පිළිකා
වැඩිදුර කියවන්න
පෙණහළු පිළිකා
වැඩිදුර කියවන්න
ගැබ් ගෙල පිළිකා
වැඩිදුර කියවන්න
මුඛ පිළිකා
වැඩිදුර කියවන්න
ආහාර පුරුදු සහ පිළිකාව
වැඩිදුර කියවන්න
පිළිකා රෝග විනිශ්චය
ගැමා කැමරාව

පිළිකාවක් එහි මුල් අවදියේදීම රෝග විනිශ්චය කිරීමෙන් එය සුව කිරීම සඳහා වැඩි අවස්ථාවක් සලසා දෙයි. මෙය සිත්හි තබාගෙන, ඔබට වඩාත් සුදුසු වන්නේ කවර වර්ගයක පිළිකා නිවාරණයක් ද යන්න ඔබගේ වෛද්‍යවරයා සමඟ සාකච්ඡා කරන්න.

පිළිකා වර්ග කිහිපයක් සඳහා ම මුල් අවදියේදී රෝග විනිශ්චයකිරීම මඟින් ජීවිත බේරා ගැනීමට නිවාරණ පරීක්ෂාවලට හැකි බව අධ්‍යනවලින් පෙන්වා දී තිබෙයි. අනෙකුත් පිළිකා සඳහා නිවාරණ පරීක්ෂා නිර්දේශ කරනු ලබන්නේ අවදානම වැඩිවෙමින් පවතින රෝගීන් සඳහා පමණකි.

ආසිරි AOI පහත දැක්වෙන පරීක්ෂා හරහා පිළිකා සත්කාරක ප්‍රතිකාර සඳහා ඉතා නිරවද්‍ය රෝග විනිශ්චයක් ලබා දෙයි.

  • PET ස්කෑන් පරීක්ෂා
  • ගැමා කැමරාව
  • CT/MRI/USS පරීක්ෂා
  • මැමොග්‍රැෆි
  • ටියුමර් මාකර්ස්
  • ජාන, පටකව්‍යාධවේද, ජීවරසායන විද්‍යාගාර

විකිරණ ප්‍රතිකාරය සඳහා එවන් රෝග විනිශ්චයක් ලබා දෙන ලංකාවේ එකම ආයතනය AOI වෙයි.

ආසිරි AOI හිදී ලබා දෙන ඔන්කොලොජි සේවා

තාක්ෂණයෙන් බලගැන්වුනු පිළිකා සත්කාරය

පිළිකා සත්කාරය යනු විශේෂඥතාව, ප්‍රෝටොකෝල හෝ කුශලතා ම පමණක් නොවෙයි. එය නවතම තාක්ෂණයක් ද වෙයි. නවතම වෛද්‍ය තාක්ෂණය සහ ප්‍රතිකාර සැලසුම් කිරීම සඳහා උසස් තොරතුරු තාක්ෂණි ජාලයක් ද සමඟින් ප්‍රතිකාර ක්‍රියාවළියේ සෑම කරුණක් සම්බන්ධයෙන්ම ආසිරි AOI සහාය ලබා දෙයි.

ලොව නවතම වෛද්‍ය උපකරණවලින් සන්නද්ධව විශේෂඥ තාක්ෂණිකයන් සමඟින්, ආසිරි AOI පිළිකා සත්කාරයේ විශිෂ්ටත්වයකරා එළඹි පුරෝගාමියා බවට පත්වී සිටියි.

රෝග විනිශ්චය

මාත්සරිකතා රෝග විනිශ්චය සඳහා PET සහ CT අනුරූප ලබාදීමේ සහ ප්‍රතිකාරවලට දක්වන ප්‍රතිචාර සම්බන්ධයෙන් මෙහෙයවීම් සිදු කිරීම; මූලික රෝග විනිශ්චය උපකරණවලට (CT/MRI/USS) අමතරව ගැමා කැමරා වැනි පහසුකම් ලබාදෙන ශ්‍රී ලංකාවේ එකම මධ්‍යස්ථානය ආසිරි AOI වෙයි.

ප්‍රතිකාර

ප්‍රතිකාර අවස්ථාවන්ගේ පරිපූර්ණ ප්‍රතිකාර සංකලනයක් අපි ලබාදෙන්නෙමු.
  • ශෛල්‍ය ඔන්කොලොජි
  • විකිරණ ඔන්කොලොජි
  • වෛද්‍ය ඔන්කොලොජි

සහන සත්කාරය

විවිධ හැකියාවන්ගෙන් පිරිපුන් කණඩායමක් සහ බහුවිධ ප්‍රතිකාර මඟින් පුද්ගලානුබද්ධ සහන සත්කාරය.
රෝග විනිශ්චය පිළිබඳ තොරතුරු

ඩිස්කවරි 600 PET/CT

ද්වීරූප තාක්ෂණවල විභවය ඒකාබද්ධ කරගන්නා සහ රෝගීන් චලනය වන විට හා ආශ්වාස - ප්‍රාශ්වාස කරන විට ටියුමර් එකේ ප්‍රමාණයේ, හැඩයේ සහ පිහිටි ස්ථානයේ වෙනස්වීම් ගැන අවබෝධයක් ලබා ගැනිමට වෛද්‍යවරුන්ට උපකාරයක් වන චතුර්මාන (‘4D’) PET/CT ස්කෑන් පහසුකම් ආසිරි AOI මඟින් ලබා දෙයි. ඒ සමඟම, වෛද්‍යවරුන්ට රෝගියාගේ ටියුමර් එක ගැන සහ ඒ අවට සිරුරේ ව්‍යුහ කොටස්වල සම්පූර්ණ සහ නිරවද්‍ය අනුරූප දැක ගැනිමට ද හැකිය. ඒ අනුසාරයෙන් ඔවුන්ට විකිරණ ප්‍රතිකාරවල බලපෑම අවට තිබෙන සෞඛ්‍යය සම්පන්න පටකවලට නොයන පරිදි ටියුමර් එකට පමණක් ලබාදීම තහවුරු කර ගැනීමට හැකිය. මෙම ප්‍රභල අනුරූප මාත්‍යය තිබෙන එකම මධ්‍යස්ථානය ආසිරි AOI වෙයි.

පොසිාට්‍රෝන විමෝචක ටොමොග්‍රැෆි (PET) ස්කෑන් යනු අනුරූප පරීක්ෂාවක් වන අතර එයින් ඔබේ සිරුරේ පරිවෘත්තීය ක්‍රියාවලිය පෙන්නුම් කරයි. PET ස්කෑන් පරීක්ෂාවකට ඔබේ මොළේ ක්‍රියාකරන ආකාරය පිළිබඳ තොරතුරු ඔබේ වෛද්‍යවරයාට ලබාදිය හැකිය. පිළිකා, වලිප්පුව හෝ ඇල්ෂයිමර් රෝග සොයා ගැනීම සඳහා ද එය යොදාගත හැකිය. ස්මෘති විකෘතිතා ඇති පුද්ගලයන්ගේ මොළයේ ශල්‍යකර්මයකින් ඉවත් කළ හැකි ටියුමර් තිබේදැ යි හඳුනා ගැනිම සඳහා ද වෛද්‍යවරු එම පුද්ගලයින්ගේ මොළයේ PET ස්කෑන් අනුරූප යොදා ගනිති.

පිළිකා සොයා ගැනීමට සහ පිළිකා ප්‍රතිකාරවල බලපෑම කොපමණ ද කියා දැන ගැනීම සඳහා වෛද්‍යවරුන් විසින් නිතරම PET ස්කෑන් පරීක්ෂා සිදු කරනු ලබයි. මාත්සරික සෛල ඉතා ඉක්මනින් වැඩෙමින් සාමානය සෛලවලට වඩා වැඩි සීනි ප්‍රමාණයක් පරිවෘත්තීය ක්‍රියාවළියකට භාජනය කරන බැවින්, පිළිකාවක ක්‍රයාකාරීත්වය හඳුනා ගැනීම සඳහා PET ස්කෑන් පරීක්ෂා මහෝපකාරී වෙයි. පිළිකාවක් කෙතරම් ආක්‍රමණශීලී ද හෝ චිකිත්සා මඟින් එහි වර්ධනය කෙතරම් දුරට ප්‍රමාද කර ඇත් ද යන්න වෛද්‍යවරයාට ක්ෂණික අවබෝධයක් එමඟින් ලබා දිය හැකිය.

  • MRI ස්කෑන් පරීක්ෂා
  • MRI ස්කෑන් පරීක්ෂා යනු කුමක් ද?

    MRI (චුම්බක අනුනාද අනුරූප) ස්කෑන් පරීක්ෂාවේදී ඔබේ සිරුරේ අභ්‍යන්තර ඉන්ද්‍රියවල සහ ව්‍යුහයන්ගේ සවිස්තර හරස්කඩ අනුරූපයක් නිර්මාණය කිරීම සඳහා විශාල චුම්බකයක්, රේඩියෝ තරංග, සහ පරිගණකයක් යොදා ගනියි.

    ඔබගේ රෝග විනිශ්ච සඳහා සහ ඔබට ලබා දෙන ප්‍රතිකාරවලට ඔබ ප්‍රතිචාර දක්වා තිබෙන්නේ කෙසේ ද කියා නිර්ණය කර ගැනීමට ඔබේ වෛද්‍යවරයා විසින් මෙම පරීක්ෂණය යොදා ගනු ලබයි. MRI ස්කෑන් පරීක්ෂාව, CT ස්කෑන් පරීක්ෂාවෙන් සහ X- කිරණ පරීක්ෂාවෙන් වෙනස් වන්නේ මෙම පරීක්ෂාවේ දී හානිදායක විය හැකි අයනීකෘත විකිරණ භාවිතා නොකිරීම නිසයි.

    MRI ස්කෑන් පරීක්ෂාව භාවිතා කරන්නේ කුමක් සඳහා ද?

    MRI ස්කෑන් පරීක්ෂා සිරුරේ අස්ථිවලින්තොර කොටස්වල සහ මෘදු පටකවල අනුරූප ගැනිම සඳහා ඉතා සුදුසු වෙයි. ඒවා අයනීකෘත ටොමොග්‍රැෆි (CT) ස්කෑන්වලින් වෙනස්වන අතර එහි දී හානිදායක විය හැකි අයනීකෘත විකිරණ භාවිතා නොකරයි. MRI ස්කෑන් පරීක්ෂාවේ දී මොළය, සුෂුම්නාව, ස්නායු මෙන් ම පේෂි, බන්ධනි සහ කණ්ඩරාව සාමාන්‍යය X- කිරණ පරීක්ෂා සහ CT ස්කෑන් පරීක්ෂාවලට වඩා හොදින් ඉතා පැහැදිළිව දැකිය හැකි අතර මේ හේතුව නිසා බොහෝවිට MRI අනුරූප දණහිස්වල සහ උරහිස්වල තුවාල සිදු වූ විට භාවිතා කරනු ලබයි. මොළයේ ස්වේත පදාර්ථය සහ අළු පැහැති පදාර්ථය වෙන්කර පෙන්වීමට MRI ස්කෑනරයට හැකි අතර එමෙන් ම, ඇනියුරිසම්වල සහ ටියුමර්වල රෝග විනිශ්චය සඳහා භාවිතාකළ හැකිය. MRI ස්කෑන් පරීක්ෂාවේ දී, X- කිරණ හෝ අනෙකුත් විකිරණ භාවිතා නොකරන බැවින් නිතරම අනුරූප ගැනීමට සිදුවන විශේෂයෙන් ම, මොළයේ රෝග විනිශ්චය හෝ චිකිත්සා සඳහා මෙම පරීක්ෂාව නිර්දේශ කරනු ලබයි. එසේ වුව ද, MRI ස්කෑන් පරීක්ෂා, X- කිරණ හෝ CT ස්කෑන් පරීක්ෂාවලට වඩා මිලෙන් අධික වෙයි.

  • CT ස්කෑන් පරීක්ෂා
  • CT ස්කෑන් පරීක්ෂා යනු කුමක් ද?

    ආගණිත ටොමොග්‍රැෆි ස්කෑනර් (CT හෝ CAT ස්කෑනර්) ඔබේ සිරුරේ ඉන්ද්‍රියවල, අස්ථිවල, සහ අනෙකුත් පටකවල හරස්කඩ අනුරූප නිර්මාණය කිරීම සඳහා පරිගණක සහ බ්‍රමණය වන X- කිරණ යන්ත්‍ර භාවිතා කරයි. පාන් ගෙඩියක එක පෙත්තක් මෙන් මෙම ද්වීමාන (2D) ස්කෑන් අනුරූපවලින් ඔබේ සිරුර අභ්‍යන්තරයේ පෙත්තක් ලෙසින් පෙන්නුම් කරයි. වෛද්‍යවරුන්ට පිළිකා වැනි රෝග තත්ත්ව හඳුනා ගැනිමට ඉඩ සලසමින් සාමාන්‍ය X- කිරණ පරීක්ෂාවකට වඩා වැඩි විස්තරයක් එයින් පෙන්නුම් කරයි. ටියුමර් එකක්, රුධිර කැටියක්, ආසාදනයක් ඇති ස්ථානය හඳුනා ගැනිමට එය උපකාර වන අතර ප්‍රතිකාර සැලසුම් සහ පටක විශ්ලේෂණ, ශල්‍යකර්ම සහ විකිරණ චිකිත්සා ක්‍රියාවලි සඳහා මඟ පෙන්වනු ලබයි.

    යම් කාලසිමාවක්ත තුළ ගන්නා ලද CT ස්කෑන් අනුරූප සංසන්දනය කර වෛද්‍යරුන්ට ඔවුන් විසින් කරනු ලබන ප්‍රතිකාරවල සඵලතාව තක්සේරු කළ හැකිය.

  • ඩිජිටල් X- කිරණ
  • ඩිජිටල් රේඩියෝග්‍රැෆි / X- කිරණ යනු X- කිරණ අනුරූප ලබා ගැනීමේ ආකාරයක් වන අතර එහිදී සම්ප්‍රදායක ඡායාරූප පටලයක් වෙනුවට ඩිජිටල් සංවේදක භාවිතා කරනු ලබයි. අනුරූප ඩිජිටල් ආකාරයට හුවමාරු කිරීම සහ අනුරුප වැඩි දියුණු කිරීම වඩාත් ඉක්මන් සහ පහසු කරයි. එමෙන් ම, සම්ප්‍රදායික X- කිරණ පරීක්ෂා ආරක්ෂිත ලෙස සැලකුව ද, ඩිජිටල් X- කිරණ නිපදවන්නේ ඊට 80% ත් වඩා අඩු විකිරණ ප්‍රමාණයක් යොදා ගනිමිනි. එහි අර්ථය වන්නේ, ඩිජිටල් X- කිරණ අනුරූප ගැනිමේ දී රෝගියා ඉතාම අඩු විකිරණ ප්‍රමාණයකට නිරාවරණය වන බවයි.

  • මැමොග්‍රැෆි
  • මැමොග්‍රැෆි යනු පියයුර සම්බන්ධයෙන් කරනු ලබන X- කිරණ පරීක්ෂාවකි. පියයුරේ ගැටිත්තක්. වේදනාවක් හෝ පුඩුවෙන් ස්‍රාවයක් පිටවිම වැනි පියයුරු ගැටළු ඇති කාන්තාවන්ගේ මෙන් ම පියයුරේ රෝග සම්බන්ධයෙන් සඳහන් කිරීමක් නොකරන කාන්තාවන්ගේ ද පියයුරු රෝග හඳුනා ගැනිම සහ රෝග විනිශ්චය සඳහා මෙම පරීක්ෂා යොදා ගනු ලබයි.පියයුරු පිළිකාවක් සම්බන්ධයෙන් රෝග ලක්ෂණ හෝ නිමිති නොමැති කාන්තාවන්ට පියයුරු පිළිකා පවතින්නේ ද යන්න පරීක්ෂා කිරීම සඳහා ද මෙම පරීක්ෂාව භාවිතා කරනු ලබයි.

    ස්පර්ශකර හඳුනා ගැනිමට හැකිවිමට පෙර පියයුරු පිළිකා, අඛර ටියුමර් සහ විසප්පු හඳුනා ගැනිමට ද මෙම ක්‍රියාවලියෙන් අවස්ථාව සලසා දෙයි.

  • අති ධ්වනි ස්කෑන් පරීක්ෂා (සොනොග්‍රෑම්)
  • සිරුර අභ්‍යන්තරයේ අනුරූප නිර්මාණය කිරීම සඳහා අති ධ්වනි ස්කෑන්වල දී ඉහළ සංඛ්‍යාතයක් ඇති ශබ්ද තරංග භාවිතා කරයි. අති ධ්වනි ස්කැන්වල දී අනුරූප නිර්මාණය කිරීම සඳහා ශබ්ද තරංග හෝ ප්‍රතිනාද භාවිතා කරන බැවින් එම පරීක්ෂා වඩාත් ආරක්ෂාකාරි වෙයි. එලෙසම, අති ධ්වනි ස්කෑන් පරීක්ෂා ආරක්ෂිත, ආක්‍රමණශීලි නොවන අතර අයනීකෘත විකිරණ භාවිතයක් ද නොමැත. අති ධ්වනි ස්කෑන් පරීක්ෂා කළලයේ වර්ධනය නිශ්චය කර ගැනීම සඳහා ගර්භනී සමයේ දී යොදා ගනු ලබන අතර අක්මාවේ, හෘදයේ, වකුගඩුවල සහ උදරයේ ගැටළු හදුනාගැනීම සඳහා ද භාවිතා කළ හැකිය. ඇතැම් පකට විශ්ලේෂණවලදී ද මෙම පරීක්ෂා භාවිතා කළ හැකිය.

ප්‍රතිකාර

වෛද්‍ය ඔන්කොලොජි

පිළිකාවල දී සිදුකරනු ලබන රසායන චිකිත්සා, ඉලක්කගත චිකිත්සා, ප්‍රතිශක්තිකරණ චිකිත්සා සහ හෝමෝන චිකිත්සා පිළිබඳ අවධානය යොමු කරනු ලබයි.

ශල්‍ය ඔන්කොලොජි

පිළිකා රෝග විනිශ්චය සඳහා ද, පිළිකාව කවර අවධියකද යන්න විනිශචය කර ගැනීමට ද, ප්‍රතිකාර කිරිම සඳහා ද ශල්‍යකර්ම භාවිතා කරයි. ශල්‍ය ඔන්කොවිශේෂඥයන් විසින් රෝගීන්ගේ වේදනාව පාලනය කිරීම, රෝගීන්ට වැඩි සුවසහනයක් සැලසීම, සහ පිළිකාව හා සම්බන්ධ රෝග ලක්ෂණ හා අතුරු ආබාධ අඩුකිරීම සඳහා සහන ශල්‍යකර්ම සිදුකරනු ලබයි. රෝගියෙකු ශල්‍යකර්මයක් සඳහා නියමව සිටියද, එම ශල්‍යකර්මය සිදුකිරීම ටියුමර් එකේ වර්ගය, ප්‍රමාණය, තිබෙන ස්ථානය, ස්වභාවය සහ අවධිය මත මෙන් ම වයස, ශාරීරික යෝග්‍යතාවය සහ අනෙකුත් වෛද්‍යමය තත්ත්ව වැනි රෝගියාගේ සෞඛ්‍යයට අදාළ ගැටළු මත රඳා පවතියි.

බොහෝ රෝගීන්ට රසායන චිකත්සාව, විකිරණ චිකිත්සාව සහ/හෝ හෝමෝන චිකිත්සාව වැනි අනෙකුත් ප්‍රතිකාර ද සමඟ පිළිකා සඳහා ශල්‍යකර්ම ද සිදු කරනු ලබයි. ශල්‍යමය නොවන ප්‍රතිකාර ශල්‍යකර්මයට පෙර හෝ පසුව පිළිකාව තවදුරටත් වර්ධනයවීම, ස්ථානාන්තරණය හෝ නැවත නැවත ඇතිවිම වැළැක්විම සඳහා උපකාරයක් ලෙස සිදු කරනු ලබයි.

විකිරණ ඔන්කොලොජි

පිළිකාවලට විකිරණ ප්‍රතිකාර පිළිබඳ අවධානය යොමු කරනු ලබයි.

විකිරණ ඔන්කොලොජි යනු කුමක් ද?

විශේෂයෙන් ම විකිරණ ඔන්කොලොජි ක්ෂේත්‍රය ද ඇතුළුව වෛද්‍ය තාක්ෂණය මෑත කාලයේ දී අති විශාල දියුණුවක් අත්කර ගෙන ඇත. විකණ චිකිත්සාවේ මෑතකාලිනව සිදු වූ වැඩිදියුණුවිම් රෝගීන් සඳහා වඩා ප්‍රශස්ත සායනික ප්‍රතිඵල ලබාදෙමින් පිළිකා ප්‍රතිකාරයේ දී විප්ලවයක් සිදු කරනු ලැබ තිබෙයි. විකිරණ ඔන්කොවේදීන් යන්වෙන් හැඳින්වෙන විශේෂඥ වෛද්‍යවරයා සැම රෝගියෙකුගේම විකිරණ ප්‍රතිකාරය කළමනාකරණ සහ පාලනය කිරීම සිදු කරයි. ඔබට පිළිකාවක් ඇතැයි රෝග විනිශ්චය කර ඇත්නම් ඔබගේ පිළිකා ප්‍රතිකාරයේ කොටසක් ලෙසට ඔබට විකිරණ ප්‍රතිකාර ලබා ගැනීමේ අවස්ථාව තිබිය හැකිය. ඔබගේ වෛද්‍යවරයා ඔබට විකිරණ චිකිත්සාව සුදුසු ද යන්න නිගමනය කිරීම සඳහා උදව් කරනු ඇත.

විකිරණ චිකිත්සාව යනු කුමක් ද?

ඇතැම්විට රේඩියෝ චිකිත්සාව යනුවෙන් ද හැඳින්වෙන විකිරණ චිකිත්සාව යනු ටියුමර් ගිලා බැස්සවීම සහ පිළිකා සෛල විනාශකිරීම සඳහා අධි ශක්ති අයනීකෘත විකිරණ භාවිතා කරන පිළිකා ප්‍රතිකාර වර්ගයකි. එය ස්ථානීය ප්‍රතිකාරයකි. මෙම ප්‍රතිකාරය මඟින් අවට ඇති සෞඛ්‍යමත් සෛල මඟ හරිමින් ටියුමර් එක පමණක් ඉලක්ක කර ප්‍රතිකාරය සිදු කරයි.

රෝගියෙකුට විකිරණ ලබා දිය හැකි ආකාර දෙකකි:

1. බාහිර කදම්බ විකිරණ

මෙහිදී රේඛීය ත්වරකය යනුවෙන් හැඳින්වෙන විශාල යන්ත්‍රයක් භාවිතා කර බාහිර විකිරණ කදම්බයක් පිළිකාකාරක ටියුමර් එක තිබෙන ස්ථානයට ඉතාම නිවැරදි ඉලක්කයට පිටතින් ලබාදෙයි.

2. ලඝුචිකිත්සාව නැත්නම් අභ්‍යන්තර විකිරණ චිකිත්සාව

ලඝු චිකිත්සාව යනු විකිරණ ප්‍රතිකාර ක්‍රමයක් වන අතර එහිදී බීජ යනුවෙන් හැඳින්වෙන විකිරණශීලි අංශු ටියුමර් එක මත හෝ පිළිකා සෛල අසලට හෝ පතිත කරනු ලබයි.

*සියළුම පිළිකා රෝගීන්ගෙන් භාගයකට පමණ ඔවුන්ගේ පිළිකා සත්කාරක ක්‍රියාවලිය ඇතුළත කවර හෝ අවස්ථාවක යම් ආකාරයක විකිරණ චිකිත්සාවකට ලබා දෙනු ඇත.

විකිරණ චිකිත්සා ප්‍රතිකාර අවස්ථා
ත්‍රිමාණ සමරූප විකිරණ චිකිතිසාව (3D – CRT)
වැඩිදුර කියවන්න
සෘජු කදම්බ STx ක්‍රමය
වැඩිදුර කියවන්න
තීව්‍රතා අනුකූලන විකිරණ චිකිත්සා (IMRT)
වැඩිදුර කියවන්න
අනුරූප නියෙමු විකිරණ චිකිත්සාව (IGRT)
වැඩිදුර කියවන්න
රැපිඩ් ආර්ක්
වැඩිදුර කියවන්න
ඉලෙක්ට්‍රෝන කදම්බ චිකිත්සාව
වැඩිදුර කියවන්න
ලඝුචිකිත්සා
වැඩිදුර කියවන්න
ඒකාකෘත සිරුරු විකිරණ චිකිත්සාවයි (SBRT)
වැඩිදුර කියවන්න
ඒකාකෘත විකිරණ ශල්‍යකර්ම (SRS)
වැඩිදුර කියවන්න
විකිරණ චිකිත්සාව: අනුවරණයකි

අපේක්ෂා කළ යුත්තේ කුමක් ද යන්න අදහසක් ලබාදෙන විකිරණ චිකිත්සාවේ මූලික පියවර හයකි.

විකිරණ ප්‍රතිකාර ක්‍රියාවලියේ පළමු පියවර උපදේශනයයි. මේ සඳහා ඔන්කොවේදියෙකු සම්බන්ධ කරන අතර ඔහු විසින් රෝගියාගේ වාර්තා, ව්‍යාධිවේදී වාර්තා සහ විකිරණවේදී අනුරූප සමාලෝචනයට ලක්කරන අතර භෞතික පරීක්ෂාවක් ද සිදු කරනු ලබයි. මෙම සමාලෝචන මත පදනම්ව විකිරණ චිකිත්සාවලින් ප්‍රතිකාර තෝරාගනු ලැබුව ද, රෝගියාට සමාකරණය සඳහා අවස්ථාවක් සලසා දෙනු ලබයි.

සහන සත්කාර

ආසිරි හි අපි, පහත ඇක්වෙන මූලික වගකීම් දරනු ලබන විවිධ වූ හැකියාවන්ගෙන් සුසැදි වෘත්තිකයන් කණ්ඩායමක් හරහා අවශ්‍යතාවය ඇති රෝගීන්ට හොඳම සහන සත්කාරයක් ලබාදීමට ඇඩිව විශ්වාසය තබා ඇත්තෙමු.

  • නිවසක පවතින ආකාරයේ සුවපහසු පරිසරයක් සලසාදීම තහවුරු කරන අතර සම්ප්‍රදායික රෝහල් පරිසරයකට වඩා නවීන පහසුකම් අත ලඟටම ගෙනවිත්දෙන පරිසරයක්.
  • රෝගියාව පීඩනයට පත් කරන වේදනා සහ අනෙකුත් රෝග ලක්ෂණවලින් සහනයක් සැලසීම.
  • ජීවත්වීම තරයේ සහතික කරනු ලබන අතර මරණය සාමාන්‍ය ක්‍රියාවලියක් ලෙස සැලකීම.
  • මරණය කඩිනම් කිරීමක් හෝ කල්දැමීමක් නොමැත.
  • මනෝවිද්‍යාත්මක සහ අධ්‍යාත්මික කරණු රෝගී සත්කාරය සමඟ ඒකාබද්ධ කිරීම.
  • මරණය දක්වා සක්‍රියව ජීවත්වීමට රෝගියාට සහායවිම සඳහා උපකාරක ක්‍රමයක් ලබාදීම.
  • රෝගියාගේ රෝගි තත්ත්වය සමඟ සහ අවශ්‍ය වන්නේනම් වියෝග පිළිබඳව උපදේශන ඇතුළුව ඔවුන්ගේම දුක්ඛදෝමනස්ස මැඩපවත්වා ගැනිමට පවුලට උදව් කිරීම.
  • ජීවිතවල තත්ත්වය උසස් කිරීම සහ රෝගී තත්ත්වය සම්බන්ධයෙන් ධනාත්මකව මැදිහත් වීම.